1976/Dënimi i Luan Myftiut. Gjykata: E lamë të punonte e jetonte, por ishte armik

Hënë, 10 June 2019 18:16
Luan Myftiu dhe faksimile nga procesi i dënimit të tij Luan Myftiu dhe faksimile nga procesi i dënimit të tij

Nga Kastriot Dervishi

Luan Hystref Myftiu, lindur në Berat më 2.2.1933, i ndarë nga jeta më 9.6.2019 në Tiranë, ishte arsimtar dhe publicist. Në vitet e demokracisë sa pati mundësi nuk rreshti së shkruari. Në regjimin komunist, vuajti gjithsej 9 vjet, 2 muaj dhe 18 ditë burgim. U arrestua më 18.12.1975 dhe u lirua më 8.3.1984. U akuzua për agjitacion e propagandë në “formë të maskuar”. Vendimi i gjykatës, ndër tejet interesant për nga vulgariteti që përmban dhe mënyra se si e shpjegon “minimin” imagjinar të pushtetit popullor. Aty thuhet se e dinin që ishte “shtresë e pasur” në origjinë dhe “reaksionar”, por i kishin dhënë mundësi të “punonte e jetonte”. Luani cilësohet “armik i betuar i klasës”, “kylësh i revizionizmit”. Me vendimin nr.73, datë 20.4.1976, Gjykata Popullore e Rrethit Berat e kryesuar nga Irakli Puka, në përbërje të së cilës ishin ndihmësgjyqtarët Liri Buda e Selam Hoxha, me pjesëmarrjen e prokurorit Njazi Kurti, e deklaroi fajtor Luan Myftiu në bazë të nenit 73/1 të Kodit Penal dhe e dënoi me 10 vjet burgim, konfiskimin e pasurisë dhe heqjen e të drejtës zgjedhore për 5 vjet.

Pjesë nga vendimi i gjykatës

 “I pandehuri Luan Myftiu duke qenë me prejardhje nga shtresat e pasura dhe me qëndrim antipopullor e reaksionar, i prekur deri në palcë nga reformat revolucionare të pushtetit popullor, i shpronësuar, ndonëse për disa vjet me radhë nga ana e pushtetit popullor i është dhënë mundësia të punojë e jetojë, bile të punojë si arsimtar, si përfaqësues i klasës së përmbysur, jo vetëm që ka ëndërruar për kthimin e “parajsës” së humbur, por me forma të stërholluara, si armik i betuar i pushtetit popullor ka punuar praktikisht për minimin dhe dobësimin e pushtetit popullor në RPSH. Veprimtaria armiqësore e këtij të pandehuri për vite me radhë ka konsideruar në formën e agjitacionit dhe të propagandës, duke iu kundërvënë me të gjitha forcat e tij dhe urrejtje të papërmbajtur vijës së përgjithshme të partisë dhe masave që ka ndërmarrë pushteti popullor për konsolidimin e fitoreve të revolucionit popullor. I pandehuri Luan Myftiu, duke qenë intelektual dhe me punë si arsimtar për disa vjet, në lëndën e gjuhë-letërsisë, me dinakëri dhe me forma të maskuara, ka zhvilluar agjitacion e propagandë kundër pushtetit popullor në fushën e artit dhe letërsisë, si një nga sektorët më të rëndësishëm ideologjikë që armiqtë imperialisto-revizionistë dhe këlyshët e tyre kanë patur, e kanë  dhe do kenë si objekt kryesor dhe prej nga të përgatisnin kushtet për përmbysjen e pushtetit popullor, për vendosjen e revizionizmit dhe të kapitalizmit në Shqipëri...Tipik në këtë drejtim lidhur me veprimtarinë e tij armiqësore është shkrimi prej tij i komedisë së titulluar “Reumatizëm në kokë” në vitin 1969, vepër e cila ndonëse ju refuzua për botim, mbasi nuk kish vlerë edukative dhe binte në kundërshtim me realitetin socialist në vendin tonë, ruhet prej tij me kujdesin më të madh me qëllime të caktuara për t’u kapur me qëllim dobësimi e minimi të pushtetit popullor”.

Modifikuar më Hënë, 10 June 2019 18:20

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Kemi listat tona/ ‘BE presion Ramës, do të të nxjerrim njerëzit e inkriminuar’

Politikë

Kemi listat tona/ ‘BE presion Ramës, do të të nxjerrim njerëzit e inkriminuar’

Kreu i LZHK-së, Dashamir Shehi tha në emisionin “Aktualitet” në Fax News se Edi Rama është mbështetur nga disa përfaqësues ndërkombëtar por që sipas tij, ata do të ndërrohen një...

Nuk e morën në ekskursion 12 vite më parë, shqiptari padit shkollën për 400 mijë euro

Bota Shqiptare

Nuk e morën në ekskursion 12 vite më parë, shqiptari padit shkollën për 400 mijë euro

12 vite më parë, shqiptari Endri Begaj ishte student në një shkollë në Itali, në Areco. Ai nuk u mor në një ekskursion që shkolla organizonte për në Amsterdam, me...

Angli/ Gjendet një kamion i dytë me njerëz, janë gjallë

Aktualitet

Angli/ Gjendet një kamion i dytë me njerëz, janë gjallë

Policia në Kent, në Anglinë juglindore, gjeti nëntë persona të gjallë në pjesën e pasme të një kamioni në autostradën M20 të Mërkurën, bën me dije Sky News. “Nëntë njerëz tani...

Sondazh

Nothing found!

Sondazh

Nothing found!