Një nxënës ishte detyruar të kryente marrëdhënie seksuale me njerkën e tij, si një përpjekje e kësaj të fundit për ta “kuruar” nga homoseksualiteti. Daniel Dowling 36 vjeç, ishte 11 vjeç kur kishte pranuar homoseksualitetin e tij. Në atë kohë, i ati e kishte detyruar që të shikonte pornografi, kurse njerka e detyronte të kryente me të marrëdhënie seksuale.

Ngjarja ka ndodhur në Berkshire të Britanisë së Madhe. Duke folur për “Mirror”, 36-vjeçari ka thënë se ende pas 20 vitesh e ka të freskët shijen e parfumit të njerkës së tij. Ai ka treguar se njerka Annette Breakspear, tani 62 vjeç, e detyronte atë të kryenin marrëdhënie duke u përpjekur ta bindte që të mos ishte homoseksual. Gjatë 3 viteve, ai detyrohej nga babai dhe nga njerka për të patur momente intime me këtë të fundit. Në një rast, i ati e goditi pasi Daniel refuzoi që të kryente marrëdhënie me njerkën.

“Ndonjëherë kur babi nuk ishte në shtëpi, ajo më kërkonte në dhomën e saj për të kryer marrëdhënie seksuale”, ka thënë 36-vjeçari. Babai i tij u dënua me 5 vite burgim, kurse njerka me 8 vite për abuzim. Vuajtjet e tij 3-vjeçare morën fund në vitin 1996, kur i ati u divorcua nga njerka. Në atë kohë, Danieli kishte pësuar trauma dhe u trajtua me psikolog.