Nëse sot ju duket sikur dita nuk mbaron keni të drejtë. Kjo pasi 21 qershori është dita më e gjatë e vitit.

Solstici verës njihet gjerësisht si dita e parë zyrtare e kësaj stine dhe ka nisur sot në orën 12.07 në hemisferën veriore.

Ky proces teknikisht është kur hemisfera veriore e Tokës është më e prirur ndaj diellit, dhe për këtë kemi më shumë dritë se gjatë gjithë vitit. Ndërkohë në hemisferën jugore nis stina e dimrit.

Vera zgjat deri në 22 shtator. Kështu në Tiranë, dielli sot ka lindur në 5.07 minuta dhe perëndon në 20.17 duke pasur kështu 15 orë e 9 minuta diell.

Fjala Solstice rrjedh nga fjalët latine sol (dielli) dhe sistere (për të qëndruar ende), sepse lëvizja sezonale e shtegut të Diellit (siç shihet nga Toka) për momentin ndalet përpara se të kthehet drejtimi. Në disa kultura, kjo ditë festohet me rituale të veçanta të bazuara në perëndi.

Pritet që njerëz të shumtë të mblidhen në Stonehenge, vendin që ndodhet 130 km nga Londra, aty ku çdo vit festohet solstici i verës. Kjo ngjarje tregon gjithashtu se ditët do të fillojnë të shkurtohen deri më datën 21 dhjetor, kur do të fillojnë që të zgjaten përsëri.