VIDEO/ Televizioni italian: Ja si po i pastron mafia paratë e drogës në Shqipëri

Diel, 10 February 2019 18:22

Televizioni italian Rai3 i ka kushtuar një kronikë Shqipërisë për mafian shqiptare dhe mënyrat si ajo po pastron paratë. Gazetarët italianë kanë intervistuar gazetaren Klodiana Lala që shprehet se “Shqipëria sot ndodhet në kushtet kur nuk flitet më vetëm për bashkëpunim të politikanëve me segmente të krimit, por sot, sipas saj, mafia ka hyrë edhe në parlament”.

Sektori i ndërtimit vijon të mbetet fusha e preferuar për pastrimin e parave të krimit, shton ajo. Rai3 thekson edhe kërcënimet që ka marrë gazetarja shqiptare nga grupet kriminale, por ajo shprehet se nuk trembet kur thotë të vërtetën.

KRONIKA E RAI3

“Në Shqipëri kanë hyrë shumë para nga trafikimi i jashtëligjshëm, si droga dhe prostitucioni. Një pjesë e mirë e ndërtimeve të bëra në vend kanë ardhur si rezultat i këtyre të ardhurave”. Ky është citimi i gazetares së kronikës, Klodiana Lala gjatë një interviste për televizionin italian Tg3.

Pier Damiani D’Agata dhe Claudio Rubino kanë udhëtuar nga Roma për të intervistuar Klodiana Lalën. Klodiana Lala, është gazetarja shqiptare që jetën dhe karrierën e saj ia ka dedikuar dëshmisë së historive dhe bëmave të grupeve kriminale.

“Nuk është lajm i ri bashkëpunimi i politikës me grupet kriminale. Por tashmë kemi vajtur në atë pikë, ku mafia ka hyrë në parlament”– thotë Klodiana Lala.

Ish-ministri i Brendshëm i qeverisë aktuale të Edi Ramës akuzohet për trafik ndërkombëtar droge dhe favorizim të klaneve të këtij spektri, sidomos kushëririn e tij Moisi Habilaj, sot i dënuar nga Gjykata e Katanias. Pak ditë më parë, Prokurori i Antimafias Italiane mbërriti në Tiranë dhe zbuloi se mafia është investitori më i madh në ekonominë shqiptare.

“Risku është i madh, drejtësia është shumë e dobët, edhe pas hartimit të Reformës në drejtësi në 2016-ën”- thotë Klodiana Lala. Në gusht, shtëpia e prindërve të Klodiana Lalës u qëllua me breshëri automatiku, tip kallashnikov. Ky ishte një sulm i qartë mafioz.

“Nuk kam frikë. Nëse një gazetar thotë të vërtetën, nuk ka pse të ketë frikë nga asgjë”- Klodiana Lala.

Modifikuar më Hënë, 11 February 2019 10:06

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Gjermani, bie numri i azilkërkuesve

Globi

Gjermani, bie numri i azilkërkuesve

Në 10 muajt e parë të vitit 2019 pati më pak azilkërkues në Gjermani, sesa në të njëjtën periudhë vitin e kaluar, sipas shifrave të publikuara. Ministria e Brendshme gjermane deklaroi...

Me doza kokainë në makinë, arrestohet 24-vjeçari nga Lushnja

Aktualitet

Me doza kokainë në makinë, arrestohet 24-vjeçari nga Lushnja

Drejton automjetin i pa pajisur me leje drejtimi, si edhe gjatë kontrollit i gjendet lëndë narkotike Kokainë, arrestohet në flagrancë nga policia rrugore. Specialistët e Sektorit të Policisë Rrugore në Drejtorinë...

Çlirimtarët e Kosovës dhe djajtë që nuk mund të bëhen ëngjëj

Bota Shqiptare

Çlirimtarët e Kosovës dhe djajtë që nuk mund të bëhen ëngjëj

Nga Jakup Krasniqi. Deputetët e Kuvendit të Kosovës, ata që e votuan Ligjin për Gjykatën Speciale, shërbim të keq, tepër të keq ia kanë bërë Kosovës, jo vetëm për të kaluarën...

Sondazh

Nothing found!

Sondazh

Nothing found!