Kryeminstri Edi Rama po flet në një deklaratë për mediat, e para publike pas vendimit të frikës për t’i vënë kyçin Parlamentit nga frika e protestës.
Si gjithmonë, ai del para kamerave, në podium me kamerat dhe pa gazetarët përpara Rama nis historinë e vjetër se sulmohet gjithmonë nga kundërshtarët për të atin, për të birin, për ish- gratë. Rama viktimizohet se e akuzojnë pa faj për drogën që konsumon.
Ramën duke qarë me lot krokodili e kemi parë në situata të vështira për të. E mbajmë mend kur qante para kamerave se armët kimike ia detyruan ti merrte dhe ai si një hero në minutën e fundit pasi mijëra shqiptarë i rrethuan kryeministrinë doli me vendim kundër.
Rama ka qarë edhe për protestën e kuksianëve, se ministrat nuk kishin bërë punën e tyre për tu shpjeguar kuksianëve dhe shqiptarëve pse duhet të taksoheshin që të shkonin në shtëpitë e tyre.
Lotët i rrodhën nga sytë e tij të fishkur kur përpara i doli edhe studenti i verbër dhe ia numëroi të gjitha mëkatet e sistemit që ka krijuar prej 6 vitesh.
Kjo është strategjia e tij dhe lotët i vijnë vetëm kur shqiptarët ngrihen dhe ai e shikon veten të rrethuar dhe nga s’ka ia mban. Një strategji propagande që viktimizohesh për tu trajtuar me keqardhje nga të tjerët.