Është populli, që i ka ardhur në majë të hundës!

Diel, 14 Prill 2019 13:39

Nga Neritan Liçaj

Siç e shikoni, nuk ka flamuj partish. Është populli, që i ka ardhur në majë të hundës me këtë qeveri dhe maxhorancë!

Një ndër ta jam dhe unë... që nuk dua të më prishen dy teatro kuq e zi, për të cilët shqiptarët janë larë në shekuj në gjak për t’i pasur! Që nuk dua që dinjitetiti i artistit të nëpërkëmbet, të vidhet prona publike dhe të shkatërrohet një vend që përmban histori të vendit tim dhe të artit në veçanti,Teatri Kombëtar dhe Teatri Kombëtar Eksperimental!

Nuk dua një sistem arsimor të shkatërruar, sepse dua që fëmijët e mi, fëmijët tanë të kenë një arsim sa më të mirë!

Nuk dua që taksat që ua heqim fëmijëve tanë nga goja për të mbajtur shtetin tonë të vidhen çmendurisht!

Për të gjithë ju, por sidomos për ata intelektualë dhe artistë, qytetarë, shoqëri civile që ofendojnë ata që protestojnë duke ofenduar, etiketuar fyerje dhe poshtërime për kë demostron, ju kujtoj që protesta është e drejtë kushtetuese, njerëzore, hynore dhe mbi të gjitha mos ju hidhni me forma të ulëta qytetarëve!

Në asnjë nga demokracitë e zhvilluara, qytetari nuk i vërsulet qytetarit dhe sikur të mos jetë dakort...sepse kjo sjell përçarje dhe forcon abuzivitetin e pushtetit mbi vete qytetarët!

Dje nuk kishte të paguar me lekë dhe këtë jua thotë një që ishte aty, unë!

Kishte shumë popull sigurisht, kishte dhe militantë dhe politikanë që dhe ata kanë të drejtën e tyre të protestojnë dhe s’ua heq dot askush.

Për të gjithe ata që kanë interesa ose pëlqime me këtë qeveri dhe maxhorancë!

Është e drejta juaj të keni mendimin tuaj, por jo të drejtën të denigroni protestuesit me fyerje dhe etiketime, as t’i shihni ata nga lart-poshtë sikur ju të jetoni në Olimp dhe ata në baltë, sepse balta është më e embel se mjalta thoshin rilindasit e vërtetë!

Unë jam një protestues, që kam kuptuar që kjo klikë po na troket të gjithëve te porta për të na marrë çdo dinjitet njerëzor...Do t’ju vijë dhe juve të Olimpit shumë shpejt, nëse vazhdoni t’i bëni fresk!

Respekte për protestuesit dhe për ata që janë kundër protestuesve...Në fund të fundit, jemi të gjithë shqiptarë dhe politika s’duhet të në përçajë.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Vetëvendosja i përgjigjet Vuçiç për flamurin shqiptar

Bota Shqiptare

Vetëvendosja i përgjigjet Vuçiç për flamurin shqiptar

Lëvizja Vetëvendosje i ka kthyer përgjigje presidentit të Serbisë, Aleksandar Vuçiç, në lidhje me prezencën e flamurit shqiptar gjatë takimit të Albin Kurtit me ambasadorin britanik. Përmes një deklarate, Vetëvendosja i...

DIALOGU, Franca kërkon që qeveria e re ta heqë taksën: Duam një takim Kosovë-Serbi në Paris

Bota Shqiptare

DIALOGU, Franca kërkon që qeveria e re ta heqë taksën: Duam një takim Kosovë-Serbi në Paris

Franca e sheh si të rrezikshme mbetjen në status-quo të situatës ndërmjet Kosovës dhe Serbisë. Kështu ka thënë sot ambasadori francez në Beograd, Federico Mandoloni, gjatë Forumit për Siguri, raporton...

Brexit/ BE dhe Britania arritën një marrëveshje

Globi

Brexit/ BE dhe Britania arritën një marrëveshje

Britania e Madhe dhe Bashkimi Evropian janë pajtuar për një marrëveshje të re për Brexit. Marrëveshja mes dy delegacioneve është arritur para se të mbahet një takim i nivelit të...

Sondazh

Nothing found!

Sondazh

Nothing found!