“Ato kanë interesat e veta. Është një klub interesash. Ne duhet të vazhdojmë të ngremë mure dhe t’i vëmë mina njëri-tjetrin? Çfarë do presim?”. Kjo ishte një prej shprehjeve më rë rënda që Edi Rama tha sot në Ohër, në një prej qëndrimeve dhe fjalimeve më anti Evropë që ka mbajtur ndonjëherë.

Rama e shprehu dhe një herë, më qartë se kurrë, planin e tij për t’i dhënë Shqipërisë një drejtim lindor, një drejtim që ccon nga Serbia deh Rusia, dhe jo nga Bashkimi Evropian apo bota e vlerave perëndimore.

Edi Rama është duke realizuar atë që ai e quan “Shengeni Ballkanik”, që në fakt është ëndrra e “Jugosllavisë së Re”.

Rama po kërkon të mashtrojë shqiptarët, t’u hedhë hi syve atyre se ky “Shengen” mund të zëvendësojë  BE-në.

Kjo gjë që është duke bërë kreu i qeverisë shqiptare po dëmton rëndë interesat tona më të mëdha kombëtare.

Rama po sillet si një Kryeministër i një vendi që nuk ka asnjë lidhje me Evropën, ndërkohë që kombi ynë është kombi më pro evropian  dhe më pro perëndimor në rajon.