Ish-deputeti i PS-së dhe ish prefekti i Tiranës, Taulant Dedja, i cili jeton prej vitesh në Kanada, në një koment në fb deklaroi se ka qenë dëshmitar i skenës kur kryeministri Majko paraqiti dorëheqjen, tekstin e së cilës e shkroi ish-ministri i Kulturës Edi Rama. Ja postimi i Dedjes:

“Rama, këtij (Majkos) i shkroi fjalimin e dorëheqjes më 1999 (jam dëshmitar i drejtpërdrejtë i ngjarjeve). Më pas në 2005, Rama kur kandidoi për kryetar e zgjodhi për Sekretar të Përgjithshëm dhe fleta e votimit ishte me dy emra Rama-Majko versus Meidani-Dade (jam ai që numëroi votat nga kutia e votimit në prezencë të delegatëve). Me pas e beri dhe kryetar të grupit parlamentar. Dhe si karafil ai i ka dale në gjithë këto vite në krah atij karafilit tjetër. Sipas meje, ky njeri që më kujton pak Pandeli Evangjelin ( që e vinin kryeministër në raste krizash sepse e hiqnin dhe kollaj) nuk ka bërë ndonjë akt heroik në lidhje me teatrin. Heroizëm do bënte nëse do ikte nga qeveria”