Deputeti Edi Paloka, duke folur në Komisionin për Çështjet Ligjore, ku është thirrur për të raportuar  Arta Marku.

Paloka tha se Marku nuk përfaqëson një institucion kushtetues sepse është zgjedhur më 69 vota ndërkohë që duhej me 84.

‘’Ka një arsye se pse prokurori zgjidhet me 84 vota, zonja e përsëris ka vetëm 69, as mazhoranca nuk e ka votuar. Ajo ka marrë përsipër detyrën që i ka caktuar partia juaj.

Ne kemi ardhur të dëgjojmë raportimin, po jemi akoma dhe më të interesuar të bëjmë publike disa çështje që nuk kanë marrë zgjidhje qëkur ka ardhur zonja në krye të prokurorisë. Janë kryer akte që këtë zonjën këtu të kishim tashmë përballë vetvetes duke raportuar”, tha Paloka.