Sandër Lleshaj e nisi ditën duke helmuar me gaz familjarë të “Bregut të Lumit”. Pamjet e gazit dhe të vajzave që tërhiqeshin zvarrë nga policë të LLeshajt për tu futur në makina bënë xhiron e ditës .
Zona e Bregut të Lumit përgjatë gjithë ditës ka qenë e rrethuar me forca të shumta policie dhe FNSH me skafandra e armë të rënda. Ata ishin aty për ti mundësuar fadromave të Erjon Veliajt për të shembur shtëpitë e famijeve fatkeqe që do të dalin në rrugë të madhe. Si duket zhvendosjen e vëmendjes së policisë te këta familjarë dhe përdorimi si një polici private për Lali Erin i la rrugë të hapur disa grabitësve që në orën 15 00 hynë brenda Aeroportit të Rinasit dhe duke u vendosur kallashnikovët në kokë punonjësve arritën të marrin 10 milionë euro.
Pra Sandër Lleshajt i është grabitur sot një institucion i rëndësisë së veçantë si aeroporti i Rinasit ndërsa policia tërhiqte zvarrë këtë vajzë 16 vjeçare që kundërshtonte shembjen e shtëpisë.

Sot Sandër Lleshaj ka në pranga një 16 vjeçare, ka shtruar në spital me dhjetëra banorë mes tyre gra e fëmijë të helmuar nga gazi i hedur në zonën e “Bregut të Lumit”. Ai u tregua i fortë me të dobëtit ndërsa në gjysmën e dytë të ditës fytyra e Sandër Lleshajt u duk e dobët përballë të fortëve që grabitën rreth 10 milionë euro.