"SH.P.P.L-2013 ndoqi me shqetësim të madh veprimet e paligjshme të Policisë së Shtetit për dhunën e ushtruar ndaj protestuesve duke përdorur jashtë çdo lloj kriteri lëndën helmuese gazin lotsjellës duke dëmtuar jo vetëm protestuesit por edhe qytetarët banor të zonës.

I dënojmë me forcë veprimet arbitrare ndaj shtetasit Sahit Dollapi duke i kërkuar SH.Ç.B.A dhe Prokurorisë të vendos përpara drejtësisë Drejtuesin e veprimeve arbitrare Arben Bare dhe të gjithë oficerët e Policisë që janë filmuar duke ushtruar dhunë. Përtej ushtrimit të dhunës ndaj shtetasit Sahit Dollapi, iu mohua dhënia e ndihmës së parë mjekësore e parashikuar në Kushtetutë e drejta e jetës.

Në ditët në vijim do të sjellim emrat publikisht të të gjithë punonjësve të Policisë që kanë ushtruar dhunë dhe veprime arbitrare gjatë protestës.

Deri tani Policia e Shtetit në veprimet e saj ka qenë jashtë çdo procedure standarte të Policisë së Shtetit. I bëjmë thirrje Drejtorit të Përgjithshëm dhe Drejtorit të Policisë Vendore Tiranë të distancohen nga urdhrat politik të Ministrit të Brendshëm Lleshaj dhe të mbajnë larg Policinë nga veprimet që bien ndesh me Ligjin për Policinë e Shtetit, në të kundërt do të jenë të identifikuar si përgjegjës direkt për veprimet e jashtëligjshme."