Në datat 5 dhe 6 qershor Kryeministri i Kosovës Ramush Haradinaj do të zhvillojë një vizitë zyrtare në Gjermani me ftesë të Kancelares Angela Merkel.
Një zhvillim jo i papritur duke parë se si gjërat rrodhën ën Samitin e Berlinit ku u varros njëherë e mirë ideja “Rama-Vuçiç-Thaçi” për ndryshimin e territoreve të Kosovës. Takimi priitet të ketë fokus kryesor liberalizimin e vizave me Kosovën, por edhe bashkëbisedimet Serbi-Kosovë.
Samiti i Berlinit pati një konkluzion të qartë: Bashkimi Europian refuzoi ndryshimin e kufijve në Ballkan, përkatësisht copëtimin e Kosovës. Kjo ide antieuropiane e luftënxitëse e Ramës, Thaçit e Vuçiçit u varros në Berlin. Nervozizmat mbi dështimin e kësaj tresheje u lëshuan edhe mbi kryeministrin Haradinaj, ky i fundit deklaroi se i është bërë presion gjatë takimit më shumë nga shqiptarët prezentë Edi Rama dhe Hashim Thaçi se sa Presidenti i Serbisë Vuçiç.
Por ndërsa është lajmëruar takimi i rëndësishëm mes Haradinaj dhe Kancelares Merkel, intrigat për ndryshimin e kufijve vazhdojnë në Tiranë. Sot, Presidenti i Kosovës Hashim Thaçi njoftoi se ka takuar kryeministrin Edi Rama dhe se ka biseduar për çështjen e Kosovës.
Mësohet se pjesë e bisedimeve Thaçi-Rama ka qenë vazhdimi i projektit që i shërben Serbisë së Madhe. Thaçi e Rama nuk e kanë marrë ende mësimin e Samitit dhe bisedimi ende për diçka që u “varros” në Berlin është karshillik edhe ndaj qëndrimit ndërkombëtar mbi ndarjen e territoreve të Kosovës. Por, në të njëjtën kohë Gjermania po tregohet e gatshme që ta mbajë larg këtë ide dhe takime intensive si ai i Haradinajt dhe Merkelit pritet të shtohen në të ardhmen.