Edhe në këtë protestë, kreu i opozitës drejtoi protestuesit nga Kryeministria drejt Parlamentit. Sipas tij qeveria kishte planifikuar që këtë protestë ta kthente në dhunë, për të mbytur jehonën e përgjimeve të publikuara nga Bild-it.
“Ndaj e vetmja mënyrë për të hequr vëmendjen, e vetmja mënyrë për ta mbytur këtë zhurmë ishte skenari i turpshëm i provokimit të dhunës. Dhe kur? Në këtë protestë, më të madhen, më qytetaren, më gjiganden, më evropianen. Rama ik. Por plani i tij dhe i shërbëtorëve të tij dështoi me sukses të plotë. Plani për të tërhequr vëmendjen nga skandali që sot e dëgjon e tmerruar gjithë Evropa, dështoi. Sot ju them me përgjegjësi të plotë se tiktaku i orës së Edi Ramës po mbaron në çdo kancelari të Evropës dhe të Perëndimit”, tha Basha.