"Siç ka vazhduar do të vazhdojë!"
Duke theksuar këto fjalë, Kryetari i Partisë Demokratike Lulzim Basha, u bëri të ditur sot gazetarëve se si do të vijojë aksioni politik i Opozitës së Bashkuar. Deklarata e vendosur u dha pas takimit që Basha zhvilloi me Kryesinë e PD në selinë blu.
Basha tha: "Vendi po kalon momente dramatike. Drama e më e fundit është ajo që kemi parë është që njerëzit nuk kanë para për të blerë bukën e gojës. 31% e familjeve nuk mbyllin dot shpenzimet e bukës mujore. Ky është prioriteti i vërtetë dhe absolut i vendit. Ndaj gjithë energjia jonë është përqendruar në dhënien formë të ndryshimit që pret çdo shqiptar. Që gjendja ekonomike të ndryshojë duhet të zgjidhim krizën politike.
Prioritet absolut mbetet dhënia fund e qeverisë së korrupsionit.
Ja pse Edi Ramës iu mbyll çdo derë. Doli nga Poznani me zero financim. Si mund t’i besoheshin? Ndaj prioriteti kryesor është ndryshimi urgjent i kësaj qeverie të korruptuar dhe kjo nuk ndodh sa kohë në krye të vendit ai njeri.
Siç ka vazhduar do të vazhdojë!
Gjithë fokusi ynë do të vendoset tek prioritetet e vërteta të njerëzve, punësim dhe mirëqenie. Beteja që ka nisur, do të vazhdojë deri në kurorëzimin e saj me fitoren të plotë."