Kryetari i PD Lulzim Basha e ka bërë edhe një herë të qartë se opozita është e gatshme të kontribuojë për tejkalimin e krizës që ka kapluar vendin, por sicc tha ai sot para gazetarëve, është Rama ai që ka zgjedhur rrugën e gabuar edhe në këtë javë të fundit që ka mbetur vendimtare para vendimit të BE për negociatat e vendit.

‘Falënderova ministrin Shalenberg për mbështetjen e jashtëzakonshme austriake dhe në veçanti për mbështetjen që i jep procesit të hapjes së negociatave për Shqipërinë.

Ndamë së bashku shqetësimin e shumë faktorëve europianë në raport me mosbesimin që ka krijuar qeveria shqiptare, duke mos plotësuar kriteret kryesore të hapjes ë negociatave.

E sigurova se Partia Demokratike dhe opozita e bashkuar janë të vendosura të japin të gjithë kontributin tonë për të tejkaluar këtë krizë të ëndë politike dhe problemet kryesore të shkaktuara nga kjo krizë politike dhe kjo qeverisje, që janë dhe pengesa kryesore për hapjen e negociatave.

Dua ta them fare qartë para ush se rruga që ka zgjedhur Edi Rama është rruga absolutisht e gabuar në këtë javë që ka mbetur për marrjen e një vendimi kaq të rëndësishëm për vendin tonë.

Është rruga e njohur e fajësimit të çdokujt tjetër, e sulmeve ndaj BE, e sulmeve ndaj qeverive europiane, e sulmeve ndaj shënjestrës së preferuar, opozitës, PD, medias madje dhe qytetarëve për të hequr vëmendjen dhe përgjegjësinë nga i vetmi njeri në fakt përgjegjës për këtë situatë’, tha Basha.