Në Vjenë është zhvilluar takimi i Forumit të grave të Partive Popllore Europiane.
Kryetarja e LDGSH, Albana Volshi ka vlerësuar gjate këtij takimi edhe situatën në të cilën ndodhet Shqipëria. Ajjo është shprehur se 9 kushtet e bundestagut janë një udhërrëfyes për demokracinë dhe nxjerrjen e vendit nga kriza politike.
Ndëkrohë që gjatë takimit Presidentja e “EPP Women” Doris Pack është shprehur se, “ Shqipëria të zbatojë kushtet e Bundestagut”
Ja njoftimi për takimin në Vienë të Forumit të grave të Partisë Popullore Europiane
“Shqipëria duhet të nisë më zbatimin e kushteve të vendosura nga Bundestagu gjerman për t’u bërë gati për hapjen e negociatave”. Me këtë qendrim Presidentja e Grave të Partisë Popullore Europiane Doris Pack inkurajoi qytetarët shqiptarë të shkojnë përpara në rrugën e integrimit europian. Zonja Pack i bëri këto komente nga Vjena, ku u mbajt takimi “Vizioni i grave për një Evropë më të mirë”, në të cilin PD u përfaqësua nga Kryetarja e Lidhjes Demokratike të Gruas, Albana Vokshi.
Doris Pack, e keqardhur për vendimin për moshapjen e negociatave, mbështeti nisjen e bisedimeve me kushte për Shqipërinë , duke e konsideruar këtë si një vendim jo për qeverinë, por për qytetarët e saj.
Zonja Pack, e cila është një njohëse shumë e mirë e situatës në Shqipëri, tha se është shumë e shqetësuar me krizën politike në vend. “Opozita i dorëzoi mandatet, pasi nuk kishte më asnjë garanci kushtetuese. Në parlament nuk respektohej e drejta e fjalës dhe mekanizmi parlamentar për kontrollin e qeverisë, ndërsa Gjykata Kushtetuese nuk ekziston. Korrupsioni i lartë dhe krimini organizuar janë probleme shqetësiese. Një ish ministër i brendshëm u dënua nga një gjykatë. Ndërkohë që në qendër të Tiranës protestohet prej shumë muajsh në mbrojtje të Teatrit Kombëtar të cilin qeveria po kërkon ta shembë për të ngritur kulla të larta vetem pë qëllime fitimi. Shqipëria duhet të nisë përmbushjen e kushteve të vendosura nga Bundestagu, përsa i përket luftës kundër korrupsionit, vënien në funksion të Gjykatës Kushtetuese dhe Gjykatës së Lartë, të luftojë krimin e organizuar dhe trafikun e drogës”
Duke shprehur shqetesimin për numrin e lartë të azilantëve, kryesisht të rinj që largohen në mungesë së alternativave të shkollimit dhe punësimit, Doris Pack i kërkoi Bashkimit Europian të rrisë presionin ndaj Shqipërisë. “Në këtë mënyrë qeveria do të detyrohet të plotësojë kushtet dhe të hapë perspektiva për shqiptarët në Shqipëri, duke bërë që edhe numri i azilantëve të zvogëlohet”- tha zonja Pack.
Bashkë me zëvendës Presidenten e Parlamentit Europian, Mairead McGuiness, me zëvendës Presidenten e re të Komisionit Europian, Dubravka Šuica dhe , komisionerien Mariya Gabriel, zonja Pack, i bëri thirrje Bashkimit Europian që të mbajë derën e hapur për Shqipërinë dhe Maqedoninë e Veriut.
Nga ana e saj, Kryetarja e LDGSH, Albana Vokshi, informoi Forumin e Grave të Partisë Popullore Europiane se PD i konsideron 9 kushtet e Bundestagut si një udhërrëfyes për zgjidhjen e krizës politike, për rivendosjen e bazave të shtetit të së drejtës dhe zgjedhjeve të lira e të ndershme.
