Monika Kryemadhi bëri një krahasim mes Presidentit Ilir Meta dhe kryeministrit Rama. Ajo tha se edhe mosha e favorizonte Metën, të cilin e krahasoi me një makinë “Ferrari”.
Ka pasur tone të ashpra nga Rama për Metën por edhe anasjelltas…ju pyes si opozitare çfarë strategjie ka ai, çfarë po kërkon?
Kryemadhi: Mendoj që nuk po kërkon diçka, mendoj që reagimet e tij vijnë si rezultat i provokimeve të Ramës, jashtë çdo logjike dhe morali jo vetëm politik por edhe institucional, ligji i Devidentit, vjedhjen e anëtarit të GJK, apo ligjin e medias. Kanë qenë provokime ndaj institucionit të Presidentit. Pavarësisht nëse jam unë apo jo dakord me të për deklaratat, unë them që i ka shumë të buta reagimet për atë që ka ndodhur.
E ndihmon opozita?
Kryemadhi: Opozita duhet të jetë më e ashpër në drejtim të Ramës
Pra, po kalon Meta në rolin e kryeopozitarit?
Kryemadhi: Ata i kanë kaluar tangjent, janë përqendruar te vota, ndoshta por Meta në gjithë karrierën e tij karakterizohet nga një përgjegjshmëri e tepruar.
Do ai diçka për vete?
Kryemadhi: Jo ai ndjehet borxhli që fuqizoi Ramën në 2013, e ndjen edhe këtë borxh që ka, e dëgjova pak më parë Ramën që thoshte për Metën 60 vjeç, po të mos e gatërrojë me veten e vetë që është duke dalë në pension. Meta është Ferrari, ca t’i bëjmë këtij “Fiatit 500” që kemi këtu. Meta në Presidencë është me duar e këmbë të lidhura, por pavarësishit nga kjo tonet e tij duhet të na bëjnë të përgjegjshëm të reagojmë për çdo gjë. Opozita duhet të marrë përgjegjësitë e veta për situatën e krijuar që të mos provokohemi nga Rama.