Lëvizja Socialiste për Integrim i është përgjigjur ministres së Shtetit për Marrëdhëniet me Parlamentin Elisa Spiropali pas deklaratave të saj në drejtim të Presidentit të Republikës Ilir Meta dhe LSI-së.

Ish-deputetja Floida Kërpaçi shkruan se nga LSI nuk shpëton, por të shpëton. Sipas saj, bashkëshorti i ministres i ka kërkuar ndihmë Ilir Metës kur u kërcënua nga kryeministri Edi Rama.

MESAZHI I PLOTË
Elisë, nga LSI nuk shpëton por të shpëton!
Të kujtohet kur Salarjoni jot para se të zgjidhej Drejtor i Ujësjellësit të Fierit iu fal Ilir Metës në zyrë për t’i kërkuar ndihmë?
Ishte koha kur ti i ike Edi Ramës në mënyrë demonstrative nga asambleja e FRESSH-it dhe ai “Skënderbeu jot” të kërcënonte ose Selarjon Tota në mbledhje ose unë.

Prandaj Elisë, në ditë të vështira edhe ti dhe Selarjoni jot nuk keni shpëtuar por jeni shpëtuar nga LSI dhe Ilir Meta.
Kështu që Elisë, para se të nxjerrësh broçkulla nga goja pyete një herë Salarjonin tënd.
Nuk përmbyset kupa pasi hahet buka Elisë!

POSTIMI I SPIROPALIT
Spiropali akuzoi Presidentin Meta se nxjerr tallava-dekrete ndërkohë që jep qindra pasaporta në shkelje të ligjit. Ajo gjithashtu e cilëson Metën si “Big Fish-” i Presidencës teksa paralajmëron se do durohet edhe pak derisa partia e tij LSI, të bëhet hi.

“Big Fish-i i Presidencës jep qindra pasaporta në shkelje të ligjit. Nxjerr tallava-dekrete. Dërgon zuzarë matanë detit për të nxirë Shqipërinë. Sulmon, kërcënon, shantazhon gazetarë. Ta durojmë edhe pak big matrapazin. Derisa mikro partia t’i bëhet hi, por hiri kurrë më parti”, shkruan Spiropali.