Ish-kryeministri Sali Berisha tha në Çim Peka LIVE se ato që thuhen për kreun e opozitës, Lulzim Basha për dosjet e UÇK-së janë shpifje.
Sipas Berisha, Basha nuk ka qenë kurrë si përkthyes në Shtëpinë e Verdhë.
“Lulzim Basha ka hetuar Sllobodan Millosheviçin. Ka mbledhur për muaj të tërë fakte dhe prova kundër tij. Këtë gjë Aleksandër Vuçiç nuk ia fal kurrë Lulzim Bashës. Këtë nuk ia falin kurrë argatët e tij në Tiranë dhe në Prishtinë,” tha Berisha.
I pyetur për rolin e vajzës së tij, Argitës në hetimet për krimet serbe, Berisha tha: “Vajza ime ka hetuar 11 kriminelë, nga më të damkosurit serbë. Ata u nxorën në mënyrën më kriminale nga burgjet, gjoja sikur ishin arratisur
“Para Dick Marty, akuzën për Shtëpinë e Verdhë e ka nxjerrë Carla del Ponte. Në momentin që kam dëgjuar këtë gjë, e kam atakuar. Kur u kristalizua në raport, e kam atakuar Del Ponten. E kam atakuar edhe për librin, i kam thënë se shkruan pa prova si Agatha Christie,” tha Berisha.
Sipas tij, dosja e Dick Marty është hartuar 80 përqind nga hetuesit serbë.