Kreu i PD, Lulzim Basha, i ftuar në ‘Çim Peka Live’, dekalroi se qeveria nuk ka mbajtur asnjë premtim për strehimin e banorëve edhe pse jemi 1 vit pas tërmetit tragjik.

Ai theksoi se nëse do të iste kryeministër si zgjidhje do të ofronte paratë cash që familjet në zonat rurale t’i kishin ndërtuar vetë banesat e tyre.

‘Zgjidhja ime, shtëpitë në zonat rurale do të ishin ndërtuar sot po t’u ishte dhënë cash familjeve të goditura. Edi Rama dhe Erion Veliaj nuk njohin plan. Po shkatërrojnë Tiranën me kulla dhe beton.

LEXO EDHE Vdekja e mjekut Nini/ Reagon ish-vartësja e Manastirliut: Shteti jonë kursen tamponet, nuk ju mbrojti
Me sebepin e tërmetit ka afera të tmerrshme: grabitje të trojeve në bashkëpunim qeveri – mafia e ndërtimit. Jam kritikuar që kam punuar dhe nuk i kam reklamuar. Nuk jam kritikuar asnjëherë për propagandë.

Unë besoj fort se të punosh për njerëzit pa zhurmë e propagandë është mënyra më e mirë për të bërë politikë. Nëse do të isha në pushtet, do të pajisja të gjithë të pastrehët me konteinerë, nuk do kisha bërë inceneratorët’, tha Basha