Kryeministri Edi Rama ka zhvilluar një konferencë për media, së bashku me ministren e re të Jashtme Olta Xhaçka dhe ministrin e dorëhequr, Gent Cakaj.
Xhaçka, në fjalën e saj si ministre, tha se Ministria e Jashtme duhet të shkëlqejë, pasi është pasqyrë e shtetit shqiptar në sytë e botës.
LEXO EDHE:
Sarrazin: Perspektiva e zgjerimit të BE-së duhet të bëhet më e besueshme!
Në prezantimin e Olta Xhaçkës në postin e ministres së Jashtme, kryeministri Edi Rama vlerësoi punën e paraardhësit të saj, Gent Cakaj, dhe tha se pavarësisht se ai u godit në mënyrë absurde dhe të paragjykuar, ia doli të që ta mbajë me sukses barrën.
Kurse Gent Cakaj, në konferencë për mediat me kryeministrin Rama dhe ministren e re Olta Xhaçka, deklaroi se gjatë dy viteve në krye të Ministrisë së Jashtme, pandemia e tërmeti cenuan punën e diplomacisë, por shtoi se është bërë gjithçka për të unifikuar faktorin shqiptar në rajon.
Ish-ministri i Jashtëm, Kastriot Islami e ka ironizuar të gjithë këtë situatë me një postim në rrjetet sociale.
“Rama dështoi si Ministër i Jashtëm... dhe u largua.
Vendin e tij e zuri Olta Xhaçka që dështoi si Ministre e Mbrojtjes.
Vendin e Olta Xhaçkës e zuri Niko Peleshi, i larguar nga Rama si dështak te Ministria e Bujqesise...
KAOS për të maskuar ANARKINE dhe TRADHETITE Rama.
Gëzuar vitin e ri në 25 prill 2021!” shkruan ai.