Ambasadorja e SHBA, Yuri Kim ka reaguar në lidhje me vendimin që dha Gjykata e Posaçme, e cila konfiskoi me vlerë 5 milionë euro të disa prej të dënuarve të dosjes 339 për laboratorin e heroinës në Brenogë të Hasit.
yurikim
Përmes një postimi në Twitter, ambasadorja ka mbështetur punën e SPAK, ndërsa thekson se pret që ky institucion të japë sa më shumë rezultate kundër krimit të organizuar dhe korrupsionit.
Teksa poston edhe njoftimin e SPAK për këtë çështje, Kim shkruan: “Bazuar në informacionin nga DEA amerikane, SPAK ndoqi penalisht me sukses një organizatë të madhe kriminale, duke dënuar me burg 17 trafikantë droge dhe konfiskim të pasurive prej 5 milion €. Shpresojmë të shohim që SPAK të japë më shumë rezultate kundër krimit të organizuar dhe korrupsionit”.
DËNIMET NGA GJKKO
Xhevi Ndoka 6.8 vite burg
Mimoza Ndoka 1 vit 4 muaj burg, me kusht
Emanuel Gjura 4.8 vjet burg
Zef Lazri 8 muaj burg
Blendi Ndoka 3 vjet 6 muaj burg
Luigj Paloka 4.8 vjet burg, me kusht
Paulin Simoni 3.4 vjet burg
Vlash Gaxulli 2 vjet burg, me kusht
Genc Zeneli 2 vjet burg, me kusht
Kol Lleshi 2 vjet burg, me kusht
Marjeta Perskura 1.4 vite burg, me kusht
