Pas deklaratave të forta që bëra dje në lidhje me zgjedhjet e 25 prillit, presidenti Ilir Meta ka reaguar sërish sot përmes rrjeteve sociale, duke iu përgjigjur kryeministrit Rama.
“Janë të shqetësuar nga mesazhet e Presidentit?! Le TË SHQETËSOHEN dhe le TË TMERROHEN të gjithë ata, të cilët mendojnë se do bëjnë “tërmet” në zgjedhje, si në Dibër, apo si në Shijak, qofshin këta qeveritarë, punonjës policie; qofshin banditë, gjithçka qofshin”, shkruan Meta në rrjetet sociale.
Nga Fieri Rama ironizoi sot qëndrimet e presidentit për vaksinimin e personaliteteve. Dje gjatë një konferencë për gazetarët, Kreu i Shtetit foli me tone të ashpra duke kërkuar jo vetëm transparencë për vaksinat, por duke u ndalur te zgjedhjet theksoi se nëse preket vota “nuk do të mbajë përgjegjësi për fatin që do t’i përgatisë populli shqiptar”.
“As në ëndrrën më te keqe nuk e kanë parë se çfarë i pret nëse prekin votën e shqiptarëve. Mesazhi im ka qenë është dhe do të jetë, vota është e ardhmja e tij për 100 vjet”, do të shprehej dje Meta.