Vendosja e kamerave dhe pajisjeve të përgjimit është një skandal i paprecedentë në procesin e fushatës zgjedhore në Shqipëri në 30 vite. Një shkelje penale dhe një akt i shëmtuar i kryer nga matrapazët e inceratorëve.
Harxhojnë milionat e vjedhura nga inceneratorët për kamera dhe mjete përgjimi për të intimiduar e frikësuar njerëzit e LSI.
Banda inceneratorve shihet qartë që po tmerrohet nga LSI ne Durres, duke parë dhe ekipin e freskët me të rinj të cilët kanë treguar se dijnë të bëjnë fushatë dhe të marrin vota, duke parë dhe kandidatët të cilët shihen si shpresë në sytë e qytetarëve nuk ju ka mbetur zgjidhje tjetër përveçse te sulmojne me keto skema mafioze.
Elona Guri, kandidatja e LSI në qarkun e Durrësit ka folur në lidhje me atë që ka ndodhur pasditen e sotme. Ajo mohon të jetë përfshirë në konflikt, ndërsa shton se ka bërë denoncim në lidhje me një pajisje të vendosur në zyrat e LSI në Durrës, për të cilën pretendon se është pajisje përgjimi. Guri shprehet se i kanë kapur në flagrancë personat duke vendosur pajisjen në zyrat e Lëvizjes Socialiste për Integrim. Për këtë bën me faj kundërshtarët politikë, ndërsa akuzon policinë se është bërë palë me rilindjen.
Drejtuesja e LSI në Durrës, Elona Guri ka publikuar në Facebook foto të pajisjeve të përgjimit që janë vendosur nga PS në zyrat e LSI në këtë qytet.
“Watergate rilindasish të dëshpëruar. Ja si e përgjon mafia e inceneratorëve LSI-në Durrës të panikosur nga humbja e thellë dhe kapitullimi më 25 prill. Asgjë nuk e ngushëllon dëshpërimin e tyre dhe asgjë nuk e ndal PRANVERËN SHQIPTARE”,- shkruan Elona Guri në një reagim në Facebook.