Faktet dritheruese, që fliten në çdo mjedis shqiptar, tregojnë se votat u blenë sipas një skeme mafioze kudo nëpër Shqipëri. Votat shkuan deri në 500 euro në zonën e Laprakës dhe në Durrës. Ndërsa në zonat e tjera Rilindja jepte 100 deri në 150 euro për një votë.

Po kështu janë dhjetra mijëra fletë votimi që komisionerët e PS i kanë nxjerrë të pavlefshme dhe ku mbi 90 përqind e tyre janë për opozitën. Sipas fakteve me video që po dorëzohen në KQZ dalin pamje masakre elektorale kur komisionerë të PS-së prishin fletët e votimit të PD dhe LSI.

Ndaj PD vendos që krahas dorëzimit në KQZ të provave do të vendosin për fillimin e protestave nëpër gjithë sheshet e Shqipërisë, por sidomos në Tiranë kundër vjedhjes masive të votave.

Nga burime të qeverisë thuhet se do përdorin forcën ndaj kujtdo që mblidhet në Bulevard, por PS-ja dhe qeveria harrojnë se dje ishte kryeministri që mblodhi mijëra vetë në sheshin “Skërberbej” dhe askush nuk foli nga policia.

Informacionet nga selia e PD tregojnë se po rakordohet mes dy selive opozitare për datën e fillimit të protestave pa ndalesë. PD thotë se nuk do ta gëzojë mandatin e tretë Edi Rama!