Nga Tritan Shehu.
Fatkeqësisht, çfarë kemi paralajmëruar prej muajsh po ndodh. Në realitet, infeksionet e vdekjet sot janë më të larta se komunikimet zyrtare, siç dhe u zbulua deri tani me 16 mijë humbjet e jetëve.
Ndërkaq kjo Qeveri e papërgjegjshme qëndron në gabimet e pasivitetin e saj. Prandaj dua të rikujtoj çfarë kam thënë për vaksinimin në këtë situatë të rëndë kur Shqipëria është shumë larg imuniteve pasive dhe atij vaksinues:
1- Është faj e mashtrim edhe më i rëndë i Qeverisë ndaj shqiptarëve t’u ofrojë akoma vaksina të paçertifikuara, kineze e ruse të paefektshme. Kjo duhet ndaluar e ndryshuar menjëherë, siç veproi dhe Kosova.
2-Ndërkaq të gjithë ata që kanë marrë deri më sot këto vaksina, duhet të futen në proces rivaksinimi të plotë (me dy doza), me ato të miratuara nga EMA. Këtë po bëjnë dhe vende si Turqia, nga ne u furnizuam me vaksinat kineze.
3- Prej muajit tetor të organizohet aplikimi i dozës së tretë për të vaksinuarit me ato të sigurtat, duke respektuar 6-9 muaj distancë nga doza e dytë.
4- Duhet të zgjerohet gama e të vaksinuarëve që prej moshës 12 vjeç.
5-Me realizimin e këtyre pikave hapet rruga e futjes në përdorim të “Green pass” me rregulla te qarta e demokratike.
6-Për të realizuar imunizimin e domosdoshëm të 85% të popullsisë me vaksinim të plotë, kërkohen mbi 5,5 milionë doza të sigurta, e realizueshme kjo.
7-Ka dhe masa të tjera të domosdoshme të kërkuara, që lidhen me rimodelimin e kujdesit parësor për forcimin e zgjerimin e gamës së procedurave Covid të tij, rimbursimet, përgatitjen e të gjitha spitaleve, përmirësimet e shërbimeve, reanimacionit për të korrigjuar indekset e tyre, liberalizimet në treg, etj. Por që për të keqen e shqiptarëve, këto “këmbana” nuk po e zgjojnë Qeverinë! Pra ditë më të këqija na presin!