Ledina Mandia, Sekretare për Çështjen e Pronave në PD, ka replikuar gjatë mbledhjes së Kryesisë me nënkryetaren Grida Duma dhe anëtarin Fitim Zekthi.

Grida Duma ka bërë një deklaratë të pazakontë gjatë fjalës së saj, duke u shprehur se "nëse PD-së i ka ardhur koha, le të shkatërrohet". Duma ka thënë gjithashtu se PD edhe mund të përçahet e sërish kjo nuk do të ishte gjë shqetësuese. Deklarata e Dumës për përçarjen e PD është mbështetur edhe nga deputeti Enkelejd Alibeaj.

Gjithashtu, edhe Fitim Zekthi ka bërë një deklaratë të çuditshme referuar Foltores së ish-kryeministrit Sali Berisha.

Zekthi e ka quajtur 'Foltoren' acid apo dhe lëvizje bolshevike.

Mirëpo deklaratat e Grida Dumës dhe Fitim Zekthit nuk jan9 pritur mirë nga anëtarët e tjerë të Kryesisë së PD, jo mbështetës të Bashës.

Këto deklarata Mandia i ka konsideruar shqetësuese për PD-në, ndërsa ka apeluar për dialog dhe mbledhjen e demokratëve në Kuvendin Kombëtar.

Ledina Mandia: 'Foltorja' nuk është acid apo bolshevike. Dhe jam e shqetësuar që degjoj këtu 'le të përçahet PD'. Duhet respektuar vullneti i delegatëve dhe demokratëve të thjeshtë që presin me vite rrëzimin e Ramës dhe jo përçarjen e partisë. Këtu duhet të diskutojmë si të rrëzojmë Ramën që vodhi votat dhe jo si të përçajmë partinë. Jam e lindur e djathtë nga nëna e baba, anti-komuniste, e quajtur fëmijë borgjeze, e gjuajtur me shkop gome në 2 prill për të thënë fjalën e mendimin e lirë. Votuese e djathtë dhe pavarësisht se PD është përfaqësuese më e gjerë, e shoh se është e vetmja forcë që më përfaqëson mua, familjen dhe të tjerë si unë dhe që mund të përballet me Ramën gjë të cilen nuk mund ta bëjë e përçarë. Në këtë moment nuk flitet për individë, por për të ardhmen e partisë që shkon tej interesave personale dhe që medoemos duhet gjetja e gjuhës së përbashkët në mbledhjen e demokratëve në Kuvendin Kombëtar dhe dëgjimit të zerit të tyre