Lideri historik i PD, Sali Berisha informoi shqiptarët e Floridas në SHBA, se u shpall non grata nga lobimi korruptiv i George Soros, në bashkëpunim me Edi Ramën.

"Është abuzuar rëndë me ligjin e Kongresit. Sepse ligji i Kongresit nuk parashikon shpalljen non grata pa fakte dhe dokumente. DASH deklaroi se Sekretari Blinken është bazuar në të dhëna të marra nga OJF në Shqipëri dhe rajon, që të gjitha të sponsorizuara nga Soros. Nga raportet e mediave që i kontrollon plotësisht Edi Rama dhe nga raportet anti-korrupsion të qeverisë shqiptare të cilat kurrë nuk janë publikuar kurrë në Shqipëri. A mund të imagjinohet që për fjalë dhe shpifje të kundërshtarëve të goditet në këtë mënyrë opozita? Me një logjikë të tillë, vendi i madh i lirisë, SHBA, nëse do të praktonin një gjë të tillë do të shkatërronin opozitat në mbarë botën. Por ky nuk është kurrë qëllimi i tyre. Këto janë veprime të lobuara me korrupsion nga multimiliaderi George Soros, një armik i egër i forcave konservatore në Shqipëri dhe kudo në botë", tha Berisha