"Historike dhe demokraci të drejtpërdrejtë që s'ka ndodhur kurrë më parë në historinë 31-vjeçare të pluralizimit në Shqipëri".
Kështu shprehet ish-presidenti Bujar Nishani duke komentuar referendumin e demokratëve për shkarkimin e Lulzim Bashës.
Ish-kreu i Këshillit Kombëtar të PD thotë se vota e demokratëve i ka dhënë goditjen përfundimtare sektit Rama-Basha.
"Të dashur miq, sot demokratët i dhanë goditjen përfundimtare sektit Rama-Basha! Historike, demokracia e drejtpërdrejtë që nuk kish ndodhur kurrë më parë në historinë e pas diktaturës në Shqipëri. Ka shpresë, ka besim, fitorja përfundimtare mbi rregjimin e pengmarrësit është ndezur", shprehet Nishani
