Kongresmeni republikan amerikan, Lee Zeldin, akuzoi sërish kreun e Departamentit të Shtetit, Antony Blinken se ka vendosur sanksione ndaj ish-presidentit të Shqipërisë, Sali Berisha, si hakmarrje për shkak se Berisha ka kundërshtuar ashpër mega-donatorin e demokratëve, George Soros.

Zeldin tha se vendimi për Berishën ishte po ashtu dënim për faktin se ai është besnik ndaj republikanëve të SHBA.

Zeldin ka folur për gazetën e njohur amerikane, Free Beacon.

Gazeta shkruan se Zeldin në pozitën e anëtarit të Komisionit të Punëve të Jashtme të Dhomës së Përfaqësuesve po ushtron presion ndaj Departamentit të Shtetit për muaj të tërë që të ofrojnë prova konkrete se pse Sali Berisha, një aleat i ngushtë i familjes Bush, është i përfshirë në ‘korrupsion të rëndësishëm’, siç tha administrata Biden kur e sanksionoi atë në maj.

Administrata e Biden po pengon hetimin e Biden për më shumë se 5 muaj dhe po refuzon t’i japë kongresmenit ‘informacion të besueshëm se Berisha është përfshirë në korrupsion të konsiderueshëm’. Departamenti i Shtetit nuk ia dha këtë informacion as gazetës Free Beacon.

“Për muaj me radhë, Departamenti i Shtetit i Biden ka refuzuar që të japë një përgjigje reale dhe të detajuar në lidhje me akuzat për ‘korrupsion të rëndësishëm’, të përdorura për të sanksionuar ish-presidentin shqiptar, Sali Berisha, një aleat i dy presidentëve Bush dhe kundërshtar i donatorit të madh të Partisë Demokratike, aktivistit progresist George Soros,” tha Zeldin për Free Beacon