Në krye të listës qëndron Madonna, vlera e pasurisë të së cilës vlerësohet të jetë 800 milionë dollarë (712 milionë euro). Ajo deri më tani ka shitur më shumë se 300 milionë kopje albumesh në mbarë botën dhe për këtë fakt ka hyrë në Librin e rekordeve të Guinnessit.
Madonna (Foto: Neilson Barnard/Getty Images/Guliver)
Vendi i dytë është i rezervuar për këngëtaren latine, Gloria Estefan, që posedon një pasuri prej 700 milionë dollarësh (623 milionë euro). Përpos si këngëtare, ajo është edhe aktore dhe ka në pronësi disa restorante.
Gloria Estefan (Foto: Maury Phillips/Getty Images for BET/Guliver)
Celine Dione cila ka shitur më shumë se 220 milionë kopje albumesh në mbarë botën, me pasurinë e saj prej 662 milionë dollarëve (589.5 milionë euro) – është në vendin e tretë, transmeton KP.
Celine Dion (Foto: Pascal Le Segretain/Getty Images/Guliver)
Pasuria prej 510 milionë dollarësh (454 milionë euro) e bëjnë Mariah Carey që të renditet si e katërta në listën e këngëtareve më të pasura. Carey do të mbahet mend për mbi 200 milionë kopje albumesh të shitura.
Mariah Carey (Foto: Tommaso Boddi/Getty Images for AIDS Healthcare Foundation/Guliver)
Këngëtare, aktore, sipërmarrëse, modele dhe 17 herë fituese e çmimeve Grammy, Beyonce është padyshim një nga artistet më të suksesshme. Pasuria e saj vlerësohet 450 milionë dollarë (400.5 milionë euro), mjaftueshëm sa për t’u renditur e pesta.
Beyonce Knowles (Foto: Mike Coppola/Getty Images/Guliver).Telegrafi
