Ata kanë qenë miq të ngushtë, kanë ndarë skenën dhe bashkëpunuan në një këngë së bashku. Është fjala për dy këngëtarët e famshëm, Rita Ora dhe Liam Payne, të cilët mbrëmjen e djeshme janë fotografuar duke darkuar në një restorant në Londër.
28-vjeçarja dukej tejet elegante dhe në super formë me fustanin e saj që i ekspozonte shpinën dhe këmbët. Ndërkohë 25-vjeçari nuk mbetej pas me këmishën e tij me lule dhe një look mjaft casual.
Kujtojmë se Rita dhe Liam kanë kohë që njihen bashkë që kur sollën hitin e filmit “50 Shades of Grey”, “For You”, që ngjalli shumë thashetheme se mund të kishte një lidhje romantike mes tyre.
Në atë kohë madje thuhej se partnerja e Liam, Cheryl Cole ishte xheloze për Ritën, veçanërisht pas një performance ku dyshja u puth në skenë.
