Pas largimit nga Reali i Madridit të Zinedine Zidane, shumë skuadra duan që ai të bëhet drejtuesi i ekipit të tyre.

Një nga ekipet që po përgatitet t’i bëjë një ofertë të parezistueshme francezit është ai i Katarit.

Vendi i vogël në Gjirin Persik planifikon t’i ofrojë atij 176 milionë paund për të drejtuar skuadrën kombëtare në një epokë të re që do të përmbyllet me pjesëmarrjen në Kupën e Botës 2022 e cila zhvillohet pikërisht në Katar.

Sipas mediave europiane 45-vjeçari fillimisht kishte menduar të merrte një vit pushim, por është e vështirë të mendosh se ai do t’i thotë jo mundësisë që për katër vjet të shtojë në llogaritë e tij plot 176 milionë paund.

Zidane tërhoqi vëmendjen e të gjithë botës së futbollit kur lajmëroi largimin nga Real Madrid ditën e djeshme, por menjëherë u bë lidhja e emrit të tij me pankinën e Çelsit dhe Juventus, por edhe të Kombëtares së Francës.

Por nga ana tjetër, Katari shpreson të “godasë” në Botërorin e ardhshëm, që organizon vetë, duke marrë në drejtim një emër të madh, duke qenë se lojtarët janë të një niveli nën mesatar.

Botërori i 2022 do të jetë hera e parë prej vitit 1934 që vendi organizator do të jetë edhe debutues dhe me shumë mundësi nuk do të mund të fitojë as edhe një pikë, me një skuadër që renditet nga fundi më saktësisht në vendin e 101-të në FIFA.