Dy barazime radhazi, të dy pa gola të shënuar, kishin bërë që te Napoli të binin kambanat e alarmit, por skuadra e Ancelottit dha sot përgjigjen e duhur në fushë.

Në sfidën përballë Parmës në transfertë, napolitanët arritën të fitojnë me rezultatin e thellë 0-4, duke u “mbyllur gojën” kritikave.

Elseid Hysaj, që luajti 90 minuta në këtë sfidë, dha një asist të bukur për Zielinskin në minutën e 19′, të cilin ky i fundit e shndërroi në gol.

Më pas ishte radha e qendërsulmuesit polak, Arkadiuz Milik, që të shënonte dy herë në portën e portierit Luiggi Sepe dhe në fund Ounas vulosi triumfin 0-4.

Me këtë fitore Napoli shkoi në kuotën e 56 pikëve, 13 më pak se Juventusi, por 10 më tepër se Interi, që do të luajë sonte në transfertë me Fiorentinën.