Thomas Strakosha ka probleme me tendinën e Akilit prej ditësh nuk është paraqitur në stërvitje. Ai nuk do t’ia dalë dot për ndeshjen që Lazio luan nesër ndaj Cagliarit në transfertë.

Por lajmi vërtet i keq për gardianin kuqezi është fakti se ai rrezikon edhe për finalen e Kupës së Italisë.

Ndërkohë që trajneri Inzagi nuk ka dhënë sot detaje në lidhje me dëmtimin e Strakoshës, duke mos bërë të ditur se kur mund të rikthehet. “Strakosha nuk do të jetë nesër, pasi ka pësuar një dëmtim në tendinën e Akilit dhe vendin e tij do ta zërë Proto, i cili është mjaft profesionist. Ai ka menduar se do të luajë më shumë minuta, megjithatë është shumë i besueshëm. Kjo është hera e parë që Strakosha mungon këtë sezon në një ndeshje kampionati, duke qenë se në të gjitha takimet e deritanishme, ka qenë titullar dhe ka luajtur deri në fund të takimit me minuta të plota”, tha trajneri Inzaghi.