Kur jemi pak ditë para ndeshjes finale të “Champions League” një lajm surprizë ka ardhur nga Sergio Ramos. Mbrojtësi dhe kapiteni i Real Madrid ka publikuar këngën e parë në karrierën e cila është e rrymës ‘rap’.

Më ketë këngë Ramos mburret me titujt e mëparshmë që ka fituar në “Champions” pasi dëgjohet të thotë se është “MVP i Champions League” dhe “mbrojtësi më i mirë i globit”.

Ramos postoi një video në Instagram, bashkë me një link ku mund të shkarkohet kënga në platforma të ndryshme.

“Shtëpia ime, disa miq, shumë magji dhe ky është rezultati: jeta ime,” shkruan 32-vjeçari. “Dhe shumë rreshta mbeten për t’u shkruar. Faleminderit atyre që më kanë mbështetur deri tani.”