Shëndeti mendor është ngritur me të madhe kohët e fundit në Shtetet e Bashkuara, por më tepër në aspektin e parandalimit të incidenteve me dhunë në shkolla. Presidenti Trump është zotuar t'i kushtojë vëmendje kësaj sfide të shëndetit publik dhe sigurisë në komunitete, duke dhënë fonde shtesë për kërkimet në çrregullimet psikologjike. Fokusi i këtyre nismave të qeverisë federale është tek depresioni, ankthi, problemet e disbalancës mendore, që mendohet të jenë probleme të përbashkëta mes masakrave në shkolla dhe çrregullimeve që çojnë në vetëvrasje. Dr. Bashkim Kadriu, shkencëtar në Institutet Kombëtare të Shëndetit në Shtetet e Bashkuara shpjegon përmasat, simptomat dhe format për të parandaluar e luftuar problemin.