Tërmetet kanë vazhduar të godasin vendin tonë edhe ditën e djeshme. Sipas IGJEUM vetëm brenda 24 orëve që kaluan Shqipëria u godit nga 4 tërmete të tjerë.
Mësohet se epiqendra ka qenë në Bulqizë, aty ku pak ditë më parë një tërmet i fortë solli shkatërrimin e dhjetëra shtëpive.
Po ashtu lëkundje janë ndjerë edhe në gjirin e Lalzit edhe kjo një zonë e nxehtë sizmike.
Kjo verë ka qenë mjaft e ndjeshme për sa i përket tërmeteve të rëna në Shqipëri, pasi sipas specialistëve vetëm në 2 muaj janë ndjerë mbi 1 mijë lëkundje.