AKU ka bllokuar sot 27 ton mish, pasi ka rezultuar me prezencë të salmonelës. Konkretisht, trupat inspektuese e AKU-së në Durrës ka bllokuar një kontenier me ngarkesë rreth 27 ton mish, fileto pule, që vinte nga Brazili dhe pas analizimit të monstrave kanë rezultuar me prezencë salmonele.

Inspektorët e AKU-së ndaluan hyrjen e ngarkesës në sasinë 27 ton mish në territorin e Shqipërisë dhe kthimin e saj në vendin e origjinës.

Brenda vetëm këtij viti janë bllokuar e kthyer në origjinë edhe 7 kontenierë të tjerë, me 180 tonë mish. Numri total i ngarkesave të importuara nga Brazili gjatë kësaj periudhe të vitit është 259 kontenierë; secili prej të cilëve është kontrolluar e analizuar me rigorozitet.