Një anije e lashtë, më së miri e ruajtur ndonjëherë, është gjetur në fund të Detit të Zi. Anija tregtare greke është mirë e ruajtur dhe besohet se është e vjetër 2 mijë e 400 vjet, raporton BBC. Ajo është gjetur në “varrezën e anijeve”, zonë në të cilën deri më tani janë zbuluar 60 anije tjera të fundosura, transmeton Koha.net. Në fund të vitit 2017, një ekip ka zbuluar atë që tani është konfirmuar si anija më së miri e ruajtur që është gjetur ndonjëherë në fund të ujërave. Anija greke është gjetur gati 2 kilometra në thellësi të detit dhe i jep dritë tregimeve të moçme greke për Odisesë. Një nëndetëse e pilotuar nga hulumtuesit britanik ka vërejtur anijen 50 milje larg brigjeve të Bullgarisë. Një pjesë e anijes ka konfirmuar se ajo i takonte vitit 400 para lindjes së Krishtit.