Ministri francez i Financave, Bruno Le Maire, tha se shumica e vendeve të Eurozonës favorizojnë adaptimin e një kapaciteti fiskal për zonën e valutës së përbashkët, apo një buxhet të përbashkët. Le Maire tha pas takimit me homologun gjerman, Olaf Scholz, se ata kanë bërë progres në arritjen e një qasjeje të përbashkët mbi taksën për shërbimet dixhitale.

Sipas tij, një kompromis mund të ndodhë në javët e ardhshme, duke dhënë një mesazh të qartë për taksimin e drejtë të gjigantëve të internetit. Qeveria e presidentit francez, Emmanuel Macron, ka nisur një iniciative për firmat që kanë të ardhura të mëdha nga shërbimet dixhitale në Bashkimin Europian, që të paguajnë më shumë taksa në vendin e origjinës.

Gjermania ka qenë gjithnjë dakord për këtë, ndërsa vendet e tjera më të vogla anëtare që kanë taksa të ulëta korporative si Luksemburgu dhe Irlanda, e kundërshtojnë hapur propozimin. Mbi buxhetin e zonës së valutës së përbashkët, Le Maire tha se propozimi është parë si i pamundur për t’u arritur vetëm pak muaj më parë. Sipas tij, shumica e vendeve të Eurozonës e mbështesin tashmë një kapacitet të tillë fiskal.