Aleksandër Kacifa nuk është vrarë nga policia , por është vetëvrarë me armën e tij. Në trup janë gjendur dy plagë në zemër dhe asnjë plagë në kokë. Këtë të vërtetë rreth ngjarjes së datës 28 tetor, e ka fare të qartë ekspertiza, por puna është se si duhet thënë një konkluzion i cili hedh poshtë lajmet e dhëna nga kryeministri Edi Rama. Atë ditë, Rama pasi mori me telefon lajmin paraprak nga Policia se ishte ajo që vrau shtetasin në fjalë, ia plasi lajmit në balthedhjet e tij në rrjetet sociale. Nuk duronte dot Rama pa raportuar. Është e kuptueshme që Rama nuk ndjehet kryeministër, por pjesë e një agjencie lajmesh, por në rate të tilla, dëmet janë të mëdha. Ende pa u bërë ekspertizë, kryeministri ynë si gazetar i ri që ka hall lajmin e parë, nxitoi të mbushë dynjanë se Policia jonë kreu një akt heroik. Forcat policore edhe Kacifa kanë pasur armë të ndryshme. Në vendin e ngjarjes kanë qenë të gjitha gëzhojat e armës së Kacifës. Po ashtu, ekspertiza e armëve nxjerr fare qartë se cila prej armëve të Policisë ka kryer qitje në trupin e tij. Si përfundim, organet tona të hetimit, ende nuk po japin konkluzionet e çështjes vetëm ngaqë ka dhënë konkluzion kryeministri i vendit. Edhe më parë, Ramën e kemi parë të bëjë konkluzionet në sekondat e para të një çështje. Karakteristika tipike të një deliranti dhe njeriu të paqëndrueshëm. Letë të thotë tani se këto janë “shpifje”. Nuk e dimë kush duhet edukuar nëpërmjet dijes tashmë.