Presidenti i Republikës Ilir Meta priti sot në një takim të veçantë sot të Ngarkuarin me Punë të Austrisë në Shqipëri, Z. Christian Steiner.
Gjatë takimit mësohet se Presidenti Meta e ka siguruar diplomatij austriak për një bashkëpunim të ngushtë për të forcuar më tej marrëdhëniet historike miqësore me Austrinë.
Ka qenë vetë kreu i Shtetit i cili ka publikuar përmes rrjeteve sociale jo vetëm pamje nga ky takim i mbajtur në Presidencë, por ka ndarë dhe përshtypjet e tij lidhur me bisedën e zhvilluar me të Ngarkuarin me Punë të Austrisë në Shqipëri, Christian Steiner.
“Kënaqësi të prisja sot të Ngarkuarin me Punë të Austrisë në Shqipëri, Z. Christian Steiner. E sigurova për një bashkëpunim të ngushtë për të forcuar më tej marrëdhëniet historike miqësore me Austrinë.
Vlerësova kontributin që vendi i tij ka dhënë që me krijimin e shtetit shqiptar e deri në ditët tona.
Austria ka qenë gjithnjë në mbështetje të proceseve integruese të Shqipërisë.
Inkurajova për një shtrirje më të gjerë të shkollave profesionale mjaft cilësore, të financuara nga Austria, ku shkëlqen shkolla e mesme profesionale “Peter Mahringer” në Shkodër”, shprehet Presidenti Ilir Meta në rrjetet sociale.