Gjatë ditëve festive të këtij muaji, vizitorët do të mund të kenë mundësi të  vizitojnë të gjitha monumentet dhe sitet arkeologjike të vendit tonë.

Vizitorët dhe turistët e huaj mund të vizitojnë plot monumente kulture dhe site si atraksione turistike dhe historike që nga parqet arkeologjike të Amantias, Orikut, Finiqit, Apolonisë, Parkun Arkeologjik të Bylist, Antigonenë, si dhe të Butrintin.

Gjithashtu turistët mund të vizitojnë edhe disa Kala si në Shkodër, Berat, Lezhë, Krujë, kalanë e Kaninës, të Himarës, Porto Palermos por edhe Kishën e Shën Kollit në Mesopotam dhe Rrënojat e Manastirit të 40 Shenjtorëve në Sarandë.

Hyrja falas në këto monument bën që numri i vizitorëve vendas dhe të huaj të rritet duke bërë që Shqipëria të jetë vendi turistik i të gjithëve dhe i aksesueshëm për çdo turist.