Gjiganti i makinave elektrike Tesla, raportoi një rritje të papritur të fitimit për tremujorin e tretë, ndërkohë që kreu ekzekutiv Elon Musk, po mban premtimin për ta kthyer kompaninë në fitim për gjysmën e dytë të vitit. Vlera në treg e kompanisë u rrit me 12% pas publikimit të të dhënave. Raporti i të ardhurave tregoi gjithashtu një përmirësim të shitjes së makinave dhe një afat më të shpejtë të prodhimit të modelit të ri sedan.

Tesla deklaroi se modeli 3 sedan ishte makina më e shitur në SHBA, matur nga të ardhurat dhe e pesta më e madhe, matur në terma të volumit. Kompania publikoi të ardhura neto prej 311 milionë dollarë, apo 1.75 dollarë për aksion. Ky ishte tremujori i tretë që Tesla rezulton në fitim, ndërkohë që në të njëjtën periudhë një vit më parë, pati një humbje prej 520 milionë dollarë.

Elon Musk deklaroi se kompania do t’i rikthehet fitimeve të qëndrueshme, pasi ka treguar 3 tremujorë radhazi të rritjes, që kur u listua në bursë në vitin 2010. Kompania bëri të ditur se shkalla e prodhimit do të përmirësohet, duke theksuar se numri i orëve të punës për të ndërtuar modelin 3, ka rënë me 30% brenda tremujorit.