Dhoma e Tregtisë sërish në zgjedhje

Premte, 19 July 2019 22:04

Ndërhyrjes se politikës nuk ka mundur t`i shpëtojë as Unioni i Dhomave të Tregtisë dhe Industrisë. Gati një muaj pas zgjedhjes se Elisabeta Katiaj është vendosur rizhvillimi i zgjedhjeve për kryetar.

Vendimi është marrë të premten gjatë një mbledhje pa praninë e palëve të interesuara.

Rezulton se procesi do të kryhet nga po ai komision të cilin auditi i Ministrisë së Financave e ka akuzuar për parregullsi në zgjedhje.

Po ashtu komisioni do të drejtohet nga i njëjti kryetar.

Elisabeta Katiaj: "Ka qenë një proces i mbikëqyrur edhe paraprakisht edhe gjatë votimit nga Ministria. Dhe kërkesat e Ministrisë shkojnë përtej edhe kërkesave dhe ankesës së kandidatit të tjetër që janë rrëzuar nga Ministria."

Një tjetër fakt që e bën absurd vendimin për zgjedhje të reja është se çështja tashmë është në proces gjyqësor.

Katiaj ka kërkuar njohjen e rezultatit të datës 13 qershor ku ajo mori 44 vota pro, 8 më shumë se kandidati tjetër në garë.

Por duket se komisioni nuk e njeh gjykatën duke vendosur në mënyrë të njëanshme ende pa përfunduar çështja.

Elisabeta Katiaj: "Sot seanca gjyqësore u shty me qëllimin që gjyqtari duhet të dëgjojë edhe palën e tretë në këtë gjykim që është vetë bashkimi Dhomave të Tregtisë dhe Industrisë së Shqipërisë. Ndërkohë që pjesëmarrje kishte edhe nga avokatura e shtetit, edhe nga ministria."

Për sa i përket rikandidimit, Katiaj shprehet se nuk do bëhet pjesë e një farse.

Elisabeta Katiaj: "Nuk jam pjesë e një procesi zgjedhor arbitrar dhe me urdhra e direktiva të dhëna, diktuese nga institucionet dhe organet mbikëqyrëse që vijojnë me presione të ndryshme ndaj diktimit edhe të votës, edhe të gjithë procesit zgjedhor."

Ne votimet e datës 13 qershor kandidatja Ines Muçostepa nuk paraqiti ankime apo vërejtje gjatë procesit.

Vetëm në një rast ajo kërkoi të mos lejohet votimi me prokurë ç`ka u pranua.

Por pasi rezultoi humbëse Muçostepa ankimoi procesin duke sjelle dhe ndërhyrjen e Ministrisë së Financave.

Një tjetër fakt që e bën absurd vendimin për zgjedhjet e reja është kërkesë padia e dorëzuar prej Elisabeta Katias, kryetares së zgjedhur më 12 korrik.

Katija kërkon njohjen e rezultatit si dhe moszhvillimin e zgjedhjeve të reja.

Por komisioni ka vendosur datën e re të zgjedhjeve më 29 korrik, pa u shqyrtuar fillimisht padia e Elisabeta Katias.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Gjendet një trup i pajetë rreth 1 milje në det, detajet që tregojnë për një vrasje

Aktualitet

Gjendet një trup i pajetë rreth 1 milje në det, detajet që tregojnë për një vrasje

Një trup i pajetë është gjetur mëngjesin e kësaj të diele në ujërat e Adriatikut. Viktima është e seksit mashkull dhe është gjetur rreth 1 milje në det të hapur...

Sudan, ushtria dhe civilët marrëveshje për qeverisje të përbashkët

Globi

Sudan, ushtria dhe civilët marrëveshje për qeverisje të përbashkët

Këshilli ushtarak i Sudanit dhe aleanca e opozitës civile kanë nënshkruar një marrëveshje për ndarjen e pushtetit. Marrëveshja do të krijojë një këshill të ri qeverisës, ku do të përfshihen...

Qeni antidrogë zbulon 55.5 kg kanabis

Aktualitet

Qeni antidrogë zbulon 55.5 kg kanabis

Policia Kufitare parandalon dhe  godet një rast të  tentativës për trafikim të lëndëve narkotike në portin e Durrësit. Uniformat blu kanë sekuestruar 55.5 kilogramë kanabis, ndërsa kanë vënë në pranga...

Sondazh

Nothing found!