Drejtoresha e Përgjithshme e Tatimeve Znj.Delina Ibrahimaj, bëri publike dje prioritetet e Administratës Tatimore për vitin 2020. Ibrahimaj the se “Zbatimi i Planit Operacional 2020 ka qëllim reduktimin e informalitetit dhe rritjen e nivelit të përmbushjes vullnetare tatimore.”Administrata Tatimore do të ketë në fokus të punës së saj për vitin 2020 rritjen e efiçensës dhe përmbushjen e detyrave funksionale, përmes standartizmit të një analize inteligjente në qasjen ndaj tatimpaguesve.

Risitë në punën e drejtorive tatimore do të jenë: Përmirësimi i cilësisë së kontrolleve tatimore nëpërmjet Standartizimit të procedurave të kontrollit si dhe automatizimit të raport kontrollit në sitemin C@TS.. Përdorimi i metodave indirekte si një risi e procedurave gjatë kontrollit tatimor, mbi bazën e skenarëve të ndryshëm sipas industive, më mbështetje dhe asistencë të FMN, lehtësimi i procedurave për plotësimin e  deklaratës së të ardhurave individuale për individët  me burim të ardhurash nga paga dhe ata të dypunësuar (DIVA) etj.

Po ashtu, theksoi Ibrahimaj, "përdorimi i sitemit GPS me qëllim monitorim të plotë të verifikimeve në terren nga inspektorët tatimorë. Administrimi i centralizuar i borxhit duke e përqëndruar mbledhjen e detyrimeve të prapambetura në tre rajone dhe lehtësuar procedurat.

E në përfundim, implementimi i sistemit Track &Trace në sektorë të vecantë të industrisë - Hidrokarbureve, alkolit-, e cila do të zgjerohet edhe në industri të tjera dhe do të vijohet me propozime për ndryshime ligjore për të rritur gjurmueshmërinë e evazionit fiskal."