1943/Avokati u quajt “spiun” dhe u vra se iu gjetën kartëvizita

Premte, 10 May 2019 18:19

Nga Kastriot Dervishi

Gjithkujt mund t’i qëllojë rasti që gjatë një prezantimi të marrë nga një i saponjohur kartëvizitën e tij. Kjo nuk e bën marrësin as fajtor dhe as miqësor me personin që e ofron atë, pasi nuk do të thotë asgjë. E tillë ka ndodhur me avokatin Petro Dilo. Kishte investuar shumë për formimin e tij dhe në fund, jeta i merret nga Shefqet Peçi se kështu i teket këtij. Në çfarëdo lloj lufte, ekzekutimi nuk bëhet kot për një kartvizitë, por qartësisht kur një person është kriminel apo ka prova të minimale për bashkëpunimin e tij me armikun. Kartvizita nuk është provë. Raporti i gjatë i Shefqet Peçit për aktivitetin e celulës komuniste të Kardhiqit, përmend edhe një vrasje. Njësiti komunist ka ndaluar autobusin e linjës Gjirokastër-Tiranë për të vrarë një person që e quante "spiun". Nuk e ka gjetur atë dhe ka vrarë një tjetër. Nuk mund të dilte pa një vrasje. Duhej bërë dikush tjetër "spiun". Pa gjë nuk dilte njësiti.

Letra e datës 22 qershor 1943 e“Tërmetit” (Shefqet Peçit) mbi punën e celulës së Kardhiqit për Komitetin Qarkor të PKSH-së Gjirokastër (ekstrakt)

Më 22.6.1943, ditën e martë, ndërsa po udhëtonte prej Gjirokastre në Tiranë, u ndal nga njësiti jonë gueril në rrugën midis Gjirokastrës e Tepelenës, makina e “SATA”-s nga ana e një njësiti gueril të çetës. Ndërsa pritej të udhëtonte në të dhe të ndodhej brenda spiuni Hasan Cami, sikurse ishte lajmëruar nga ana e atij qarkori, fatkeqësisht nuk figuroi fare në makinë e në listën e biletave. Nga ana tjetër u arrestua nga pasagjerët dhe u ekzekutua, spiuni i fashizmit, Petro Dilo. Para se të tërhiqej për t’u ekzekutuar, u dha një konferencë e shkurtër para pasagjerëve duke u vënë në dukje roli i spiunëve në interes të fashizmit dhe dënimin që populli u jep atyre. Spiuni në fjalë, nga dokumentet që iu tërhoqëm, iu gjetën disa të vlefshme, të cilat tregojnë haptazi marrëdhëniet e tij me kolonel Mugia, organizatorin e spiunazhit në Gjirokastër. Në njërën nga kartëvizitat thuhej tekstualisht: “L’avocato Petro Dilo e libero entrare nel mio uffcio, el qualanque giorno, anche nei giorno, di anni di guerra”. Ekzekutimi i tij është pritur me kënaqësi të madhe nga gjithë populli i krahinës sonë...”.

Vdekje fashizmit me luftë

Liri popullit me gjak

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Humbën kontaktet në Theth, pas disa orësh kërkime gjenden tre turistët anglezë

Aktualitet

Humbën kontaktet në Theth, pas disa orësh kërkime gjenden tre turistët anglezë

Tre turistë anglezë në zonën turistike malore të Thethit mbrëmjen e djeshme kanë humbur komunikimin mes tyre në zonën e quajtur Qafë Thore dhe kanë kërkuar ndihmën e Policisë. Pas disa...

Belgjika nën ethet e zgjedhjeve

Politikë

Belgjika nën ethet e zgjedhjeve

- Bashkësia Shqiptare e Belgjikës i jep vendit një plejadë të re politikanësh - Eden Babani, Bruksel 1 Belgjika është ndezur e tëra nga ethet e zgjedhjeve të 26 majit, teksa afrimi...

Lë në mes dasmën e tij për t’i shpëtuar jetën të moshuarës, heroi shqiptar ‘pushton’ mediat italiane

Bota Shqiptare

Lë në mes dasmën e tij për t’i shpëtuar jetën të moshuarës, heroi shqiptar ‘pushton’ mediat italiane

Në ditën më të bukur të jetës së tij, ai i shpëtoi jetën dikujt tjetër. Është kjo historia e mjekut shqiptar në Itali, Sokol Berisha, i cili sapo i tha...

Sondazh

Nothing found!

Sondazh

Nothing found!