Spiuni i Xhelal Koprenckës

Tuesday, 09 July 2019 18:18

Nga Kastriot Dervishi

Në kampet dhe burgjet e komunizmit ka qenë një kategori e vogël të dënuarish të cilët u thyen, u bënë dëshmitarë apo bashkëpunëtorë të Sigurimit. Në përgjithësi, ata thyheshin me shpresën e uljes së viteve të burgimit, trajtimit më të mirë ushqimor gjatë vuajtjes së dënimit. Dallohen nga vitet e vuajtjes së dënimit. Shumë pak kanë bërë mbi 10 vjet burg. Shumica është nën këtë shifër. Në vitin e përvjetorit të ekzekutimit të Xhelal Koprencës, kujtoj njërin spiunëve të birucave. Nikolla Profi, i vitlindjes 1938, i arrestuar më 27.12.1973, u dënua më 15 vjet burgim i deklaruar fajtor për “spiunazh polak”. Vuajti 13 vjet, 4 muaj dhe 11 ditë burgim. U lirua më 8.5.1988. Ishte sjellë nga Spaçi në Tiranë për të ruajtur e përpunuar Xhelal Koprenckën në qeli. Më parë kishte shërbyer si kallëzimtar i disa procese ridënimesh.  Pasi Xhelali i pushkatua, Profi u dërgua në Kampin nr.309 Ballsh. Meqë atje vuante dënimin Halit Agovi (njëri nga të kallëzuarit prej tij), ndjehej i rrezikuar prej tij. Nga kallëzimet e Profit, më 4.3.1977 Agovi ishte dënuar me 10 burg në Spaç. Profi u dërgua në Kampin nr.309 Ballsh. Disa ditë pas pushkatimit të Xhelalit, Profi i shkruan ministrit. Ministri ka lënë shënimin “shumë gabim që e keni çuar këtu. Mundet ose në reparte ordinere ose ta lirojmë (sa i ka mbetur?). Ndërsa për atë që e kishin goditur, u mor masë. Shënim i datës 21.6.1979.

Letra

Zoti ministër i Punëve të Brendshme!

Unë i dënuari Nikolla Tot Profi, rrjedh nga një familje e varfër fshatare nga Vlora, i rritur jetim, babai i mbetur në kampin e përqendrimit në Mathauzen, i rritur me pensionin e tij. Vuaja dënimin në kampin në kampin e riedukimit Spaç. Aty duke mos u pajtuar me njerëzit që vjellin kundra Partisë Punës së Shqipërisë, i kam denoncuar dhe u kam dalë dëshmitar në Rrëshen, ku kanë marrë dënimin e merituar nga drejtësia popullore. Më datën 12.3.1979 më çuan në Tiranë, në birucë, për me detyrë për të ndihmuar në zbërthimin e të pandehurit Xhelal Koprencka, i cili u dënua me pushkatim, se i tillë ishte dhe më datë 10.4.1979 më çuan në Skrapar ku dhe aty e kreva detyrën me nder. Që nga Skrapari, më prunë në kampin e Tiranës për të shkuar në kampin ku më morën në Spaç. Aty ndodhi krejt e kundërta. Nuk më çuan në Spaç, por më prunë në kampin e riedukimit në Ballsh. Këtu ka mbërritur i quajturi Halil Agovi, që unë i kam dalë dëshmitar në Rrëshen. Ai më vrau më gjuajti me gur për të më vrarë fare. Do që të më zhdukë nga jeta. Ky do të më bëjë shembull bashkë me shokët e tij që të marrin vesh thotë (spiunët e Enver Hoxhës që të mos dalin dëshmitarë më të tjerët). Prandaj ju drejtova ju personalisht që të më ndihmoni duke më çuar në kampin e Spaçit se jetën këtu e kam të humbur dhe nuk mund të punoj. Me nderime dhe respekt, i dënuarit Nikolla Profi

1 koment

  • Përgjigju rodric camela

    Hënë, 15 July 2019 21:41 komentuar nga rodric camela

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Grupit të “Toyota Yaris” i sekuestrohen euro, tokë në bregdet e troje

Politikë

Grupit të “Toyota Yaris” i sekuestrohen euro, tokë në bregdet e troje

Policia e Shtetit ka finalizuar një tjetër operacion në bashkëpunim me Prokurorinë e Krimeve të Rënda, për sekuestrimin e aseteve dhe pasurisë që rrjedhin nga veprimtaria kriminale. Mijëra euro, tokë...

Franca kthen me 'charter' 29 azilkërkues, ndër ta edhe një familje me 5 anëtarë

Aktualitet

Franca kthen me 'charter' 29 azilkërkues, ndër ta edhe një familje me 5 anëtarë

Vijonë në Rinas, operacionet e përbashkëta të riatdhesimit të shtetasve shqiptarë të cilëve u është refuzuar azili në vendet e BE-së. Sot u kthyen 29 shtetas nga Franca, mes tyre edhe...

Jetëshkrimi/ Ja kush është Petraq Milo, kandidati i propozuar nga Presidenti për drejtimin e KLSH-së

Aktualitet

Jetëshkrimi/ Ja kush është Petraq Milo, kandidati i propozuar nga Presidenti për drejtimin e KLSH-së

Presidenti i Republikës, Ilir Meta ka vendosur t’i propozojë  Kuvendit, Petraq Milon për kryetar të KLSH-së. Prof. Dok. Petraq Milo është një personalitet me një eksperiencë të jashtëzakonshme, brenda dhe jashtë...

Sondazh

Nothing found!

Sondazh

Nothing found!