Ushtarët grekë kanë shtënë mbi një helikopter turk që kthehej nga një ishull në detin Egje.

Njoftimin e ka bërë televizoni shtetëror ERT duke cituar Ministrinë greke të Mbrojtjes.

”Helikopteri turk, që fluturonte ulët mbi ishullin e vogël grek, Ro, kishte detyruar trupat greke të hapnin zjarr me plumba gjurmëlënës”, tha televizioni grek, ERT.

Nuk ka ende konfirmim nga ushtria greke.

Greqia dhe Turqia kanë mosmarrëveshje dhjetëravjeçare lidhur me të drejtat detare dhe ishullin e ndarë të Qipros, pavarësisht se të dyja janë anëtare të NATO-s, shkruan Atsh.

Shkurtin e kaluar, roja bregdetare turke goditi një anije të rojes bregdetare greke në juglindje të Egjeut.

Ishulli Ro ka një sipërfaqe prej 2,6 kiloetrash katrore dhe është i pabanueshëm, përveç një njësie të vogël ushtarake greke.